VERHAOLE
Midde in ’t Venlose Kloosterkwartier, naeve Domani, is ’t Jocus Museum te vinde. In ‘t hert van de historische binnestad is ‘t ein unieke locatie wao bezeukers waere ôndergedompeld in de riéke 180 jäörige historie van de Venlose vastelaovend en van Jocus as aldste vastelaovendvereiniging van Nederland in ’t biézonder
Ein rondleiding door ’t Jocus Museum deurt ongeviër éin oor en kin aangevöld waere mit ein filmveurstelling in ôs auditorium..
In ’t Jocus Museum is ein vaste kôlleksie te zeen. De riéke kôllekties van ‘t Jocus Archief bringe ‘t verlaeje tot laeve. Begaaj ôg aan unieke veurwerpe, foto’s en films en nog vuuël miër!
Mit regelmaot waere d’r thematische exposisies gehalde en laezinge georganiseerd. originele kostuums, medalies.
Laot ôg verwôndere door ôs ervare museumgidse, die ôg op eur eige wiéze alles kinne vertelle euver de Venlose vastelaovend door de jaore haer.
Ein rondleiding door ’t Jocus Museum deurt ongeviër éin oor en kin aangevöld waere mit ein filmveurstelling in ôs auditorium.
HISTORIE VASTELAOVEND
UNIEKE KÔLLEKTIESTÖKKE
TRADITIES EN VERHAOLE
Iëuwe alde Boerebroélof
Op Boerebroélofsdinsdaag zuut ‘t Jocusriék zwart en wit, en is idderein gekleijd in zien beste boereploéte. ‘t Hoëgtepunt van dezen daag is as op ‘t bordes van ‘t Stadhoés de broéd en broédegom in d’n ônech waere verbônde. Vanaaf 1938 idder jaor ein vereiniging, bedriéf of instelling de iër gegund um de Venlose Boerebroélof te gunne.
De aldste verhaole van ein Boerebroélof in Venlo kômme oét 1912.
Maar eigelik is hae nog vuuël alder…
Ôntdek dit unieke verhaol tiédes ein rondleiding in ‘t Jocus Museum.
‘Venlo Mien Ald’
In 1938 regeerde Funs van Grinsven as Prins Funs I euver ‘t Jocusriék. Nao de bevrijding in 1945 kiërde hae truuk nao zien hoés aan de Remundsestraot. Tösse al ‘t puin vond hae ziene Prinsemantel truuk. Mit zien vrinde makde hae de bekinde ‘puinfoto’.
In ‘t Jocus Museum is de Prinsemantel van Funs van Grinsven ein van de Prônkstökke. Same mit zien hoésorde en de ‘puinfoto’ verteld ‘t ein uniek verhaol euver de beteikenis van de Venlose vastelaovend in de nao-oorlogse jaore. In 2018 brachte dochters Helen-Marie en Anne-Jean ein bezeuk um de mantel van eur vader nog ens te bewôndere.
